image

ბასილაშვილის პირველი მეტოქე ავსტრალიაში ფედერერი იქნება

გამთენიისას 2016 წლის პირველი დიდი სლემის ტურნირის, ავსტრალიის ღია პირველობის კენჭისყრა გაიმართა და ძირითად ბადეში მოხვედრილ სხვა ჩოგბურთელებთან ერთად პირველ წრეში საკუთარი მეტოქის ვინაობა გაიგო ქართველმა ჩოგბურთელმა ნიკოლოზ ბასილაშვილმაც. ჩვენებური ტურნირის საწყის ეტაპზე მსოფლიოს მესამე ჩოგანს, 17-გზის დიდი სლემის ტურნირების გამარჯვებულს, უკვე ლეგენდარულ როჯერ ფედერერს დაუპირისპირდება.

ბასილაშვილს ფედერერის წინააღმდეგ თამაშის შანსი შარშანაც ჰქონდა, როდესაც უიმბლდონზე ორი წრე გაიარა და მესამე შეხვედრის მოგების შემთხვევაში, მერვედფინალში, უიმბლდონის ცენტრალურ კორტზე როჯერს დაუპირისპირდებოდა, თუმცა ბაუტისტა აგუტის ბარიერის გადალახვა ქართველმა ვერ მოახერხა.

რაც შეეხება სხვა საინტერესო წყვილებს, ნოვაკ ჯოკოვიჩი პირველ წრეში სამხრეთ კორეელ ჰიონ ჩონს, ხოლო ენდი მარი გერმანელ ალექსანდრ ზვერევს გამოცდის. პირველივე წრეში რთული მატჩი მოუწევს რაფაელ ნადალს, ესპანელის მეტოქე თანამემამულე ფერნანდო ვერდასკო იქნება.

ავსტრალიის ღია პირველობა სტარტს 18 იანვარს აიღებს.
  • ავტორი: ბექა ბლიაძე        15-01-2016, 12:31

    მსგავსი სიახლეები

    სპორტული არხები
    საინტერესო
    ბლოგი
    © 2015/16 WebSport.Ge საიტზე განთავსებული მასალების (სტატიები, დიზაინის ელემენტები) გამოყენება აკრძალულია!
    დამზადებულია STUDIO-GB მიერ