image

ლესტერის მერი: "ქალაქის ქუჩებს მათ სახელებს დავარქმევთ, თუ პრემიერ ლიგას მოიგებენ"

ლესტერის მერი პიტერ სოლსბი თავისი ქალაქის გუნდის წარმატებებით აღფრთოვანებას ვერ მალავს და ბრიტანული პრესისთვის მიცემულ ინტერვიუში საინტერესო ინიციატივას ამჟღავნებს. სოფსბიმ განაცხადა, რომ თუ კლაუდიო რანიერის გუნდი პრემიერ ლიგას მოიგებს, ქალაქის ქუჩებმა შესაძლოა, "ლესტერის" ფეხბურთელთა სახელები ატარონ.

"პირველ რიგში, მადლობა მინდა გადავუხადო "ლესტერის" ფეხბურთელებს და მთავარ მწვრთნელს ამ საოცარი სეზონისთვის. ვიმედოვნებ, დაწყებული საქმე ბოლომდე მივა. ჩემი ინიციატივა? დიახ, ლესტერში ყოველთვის პატივს სცემენ სპორტის ვარსკვლავებს. გვაქვს გოლფისტების სახელობის რაიონები, ასევე, ლინეკერ-როუდი. არ გამოვრიცხავ, რომ რამდენიმე წელში ქალაქის ქუჩებმა ჩვენი გუნდის ფეხბურთელთა სახელები ატარონ. მაგალითად რანიერი-როუდი, ვარდი-დრაივი, მაჰრეზ-სტრიტი", - ამბობს პიტერ სოლსბი .
  • ავტორი: ლევან კვინიკაძე        6-04-2016, 19:54

    მსგავსი სიახლეები

    სპორტული არხები
    საინტერესო
    ბლოგი
    © 2015/16 WebSport.Ge საიტზე განთავსებული მასალების (სტატიები, დიზაინის ელემენტები) გამოყენება აკრძალულია!
    დამზადებულია STUDIO-GB მიერ