image

ბასილაშვილი ჰეილბორნის ტურნირის ჩემპიონია

საქართველოს საუკეთესო მამაკაცმა ჩოგბურთელმა ნიკოლოზ ბასილაშვილმა გერმანიის ქალაქ ჰეილბორნში გამართულ ჩელენჯერის ტურნირზე ყველა მოწინააღმდეგეს აჯობა და ჩემპიონის წოდება მოიპოვა.

ბასილაშვილი ფინალში გერმანელ იან-ლენარდ შტრუფს დაუპირისპირდა და მისი დამარცხება ორ სეტში, 6:4, 7:6 მოახერხა. ტურნირის გადამწყვეტი შეხვედრა საათსა და 24 წუთს გაგრძელდა, რა დროშიც ქართველმა სამი ბრეიქის შესრულება მოახერხა. ჰეილბორნში გამარჯვებით კი 100 სარეიტინგო ქულა გამოიმუშავა და განახლებულ რეიტინგში უკვე 105-ე პოზიციას იკავებს.

ნიკოლოზი გერმანიიდან საფრანგეთში გაემგზავრება, სადაც როლანდ გაროსის საკვალიფიკაციო ეტაპში ჩაერთვება და წლის რიგით მეორე დიდი სლემის ტურნირის ძირითად ბადეში მოსახვედრად იბრძოლებს. 2015 წელს ქართველმა აღნიშნულ მიზანს მიაღწია, საკვალიფიკაციო ეტაპი წარმატებით დასძლია და ძირითადი ეტაპის პირველ წრეში ავსტრალიელ ტანასი კოკინაკისთან დამარცხდა.

აგრეთვე იხილეთ:
ენდი მარიმ რომის მასტერსი მოიგო
ბურჯანაძის "კორუნამ" ფინალში გასვლის საშინაო შანსი ხელიდან გაუშვა
  • ავტორი: ბექა ბლიაძე        16-05-2016, 11:39

    მსგავსი სიახლეები

    სპორტული არხები
    საინტერესო
    ბლოგი
    © 2015/16 WebSport.Ge საიტზე განთავსებული მასალების (სტატიები, დიზაინის ელემენტები) გამოყენება აკრძალულია!
    დამზადებულია STUDIO-GB მიერ