image

პოდოლსკი ნაკრებიდან წავიდა

31 წლის გერმანელმა ფეხბურთელმა, 2014 წლის მსოფლიოს ჩემპიონმა ლუკას პოდოლსკიმ სანაკრებო კარიერა დაასრულა. თურქული "გალათასარაის" წევრმა ჯერ კიდევ იანვარში დააანონსა, რომ 2016 წლის ევროპის ჩემპიონატი მისთვის უკანასკნელი დიდი სანაკრებო ტურნირი იქნებოდა.

"სანამ სეზონი დაიწყება, მინდა საზოგადოებას ვაცნობო, რომ გერმანიის ეროვნული ნაკრებიდან მივდივარ. ფეხბურთელებმა და მწვრთნელმა ამის შესახებ უკვე იციან. გერმანიის ნაკრები ჩემს გულში ყოველთვის განსაკუთრებულ ადგილზე იქნება, მაგრამ უკვე ვგრძნობდი, რომ ამ გადაწყვეტილების მიღება საჭირო იყო".

"მადლობა მინდა გადავუხადო გულშემატკივრებს, მწვრთნელებსა და თანაგუნდელებს, რომლებიც ნებისმიერ მომენტში მუდამ ჩემ გვერდით იდგნენ. ამაყი ვარ, რომ ამ კოლექტივის ნაწილი ვიყავი", - განაცხადა პოდოლსკიმ.

ლუკას პოდოლსკის დებიუტი ეროვნულ გუნდში 2004 წელს უნგრეთის წინააღმდეგ შედგა. მას შემდეგ პოლონური ფესვების მქონე ფეხბურთელმა ნაკრების მაისური 129-ჯერ მოირგო და 48 გოლის გატანაც მოახერხა.

აგრეთვე იხილეთ:
"ბარსელონას" უდიდესი დანაკლისი სეზონის წინ
"იუვენტუსი" მორიგი ხმაურიანი ტრანსფერისთვის ემზადება
დადასტურდა, მესი არგენტინის ნაკრებში ბრუნდება
  • ავტორი: ბექა ბლიაძე        16-08-2016, 00:24

    მსგავსი სიახლეები

    სპორტული არხები
    საინტერესო
    ბლოგი
    © 2015/16 WebSport.Ge საიტზე განთავსებული მასალების (სტატიები, დიზაინის ელემენტები) გამოყენება აკრძალულია!
    დამზადებულია STUDIO-GB მიერ