image

პირველად საფეხბურთო ისტორიაში... ბრაზილია ოლიმპიური ჩემპიონია!

ბრაზილიის ეროვნულმა გუნდმა პირველად მოიგო ოლიმპიადა და ქვეყნის უმდიდრეს საფეხბურთო ისტორიას ის ოქროს ფურცელი შემატა, ასე რომ აკლდა!

ვინც გერმანიასთან ფინალს უყურა, დამეთანხმება, რომ არ იყო სანახაობრივი თამაში. მასპინძლების არ იყოს, ჰორსტ ხრუბეშის გაწვრთნილი გუნდიც პირველად ცდილობდა ოლიმპიადის მოგებას. შედეგად, მეტოქეების ზედმეტმა სიფრთხილემ თამაშის სანახაობრივი მხარე შეიწირა.

მატჩის ძირითად დროში 1:1 დაფიქსირდა (თავი კაპიტნებმა გამოიჩინეს) და ჩემპიონი პენალტების სერიაში გაირკვა: ტურნირის ერთ-ერთმა საუკეთესო ბომბარდირმა ნილს პეტერსენმა (6 გოლი) მეკარეს ვერ აჯობა, ბრაზილიელთა კაპიტანმა ნეიმარმა კი, რომელმაც პირველ ტაიმში ეფექტური საჯარიმო დარტყმით გახსნა ანგარიში, ზუსტად დაარტყა - 5:4 "სელესაოს" სასარგებლოდ!

ორი ბრინჯაოს და სამი ვერცხლის შემდეგ ჩემპიონობის დროც დადგა. პირველად ხუთჯერ აღმართული ფიფას ოქროს თასის და რვაჯერ მოგებული სამხრეთ ამერიკის ჩემპიონატის შემდეგ.

აგრეთვე იხილეთ:
როგორ გააკრიტიკა ქართველმა კომენტატორმა ნეიმარი ოლიმპიადის ფინალში [ვიდეო]
რა განაცხადა ვლადიმერ ხინჩეგაშვილმა ლონდონის ოლიმპიადის ფინალის შემდეგ
"ბარსელონამ" ესპანეთის ჩემპიონატი რიხიანად დაიწყო
  • ავტორი: ლევან კვინიკაძე        21-08-2016, 16:20

    მსგავსი სიახლეები

    სპორტული არხები
    საინტერესო
    ბლოგი
    © 2015/16 WebSport.Ge საიტზე განთავსებული მასალების (სტატიები, დიზაინის ელემენტები) გამოყენება აკრძალულია!
    დამზადებულია STUDIO-GB მიერ