image

ტრანსფერი არ ჩაშლილა! ოქრიაშვილმა "მარსელს" 1.5 მილიონი ევრო "აჩუქა"?!

მოგეხსენებათ, დღეს გავრცელდა ინფორმაცია, რომ თორნიკე ოქრიაშვილის "მარსელში" ტრანსფერი ჩაიშალა. მართალია, ბევრი რამ გაუგებარი იყო, გამომდინარე იქიდან, რომ ჯერ მთავარ მიზეზად სამედიცინო შემოწმებაზე აღმოჩენილი გულის პრობლემები დასახელდა, შემდეგ კი ფეხბურთელის აგენტმა განაცხადა, მიზეზი კლუბებს შორის შეუთანხმებლობა იყოო, თუმცა ფაქტია, ფრანგებსა და ქართველ ფეხბურთელს შორის კონტრაქტი ვერ გაფორმდა.

დღის ბოლოს ფრანგულმა გამოცემა "ფოტბოლ კლუბ დე მარსელმა" (footballclubdemarseille.fr) საინტერესო ინფორმაცია გაავრცელა. როგორც წყარო იუწყება, საფრანგეთიდან თორნიკე ოქრიაშვილი ბელგიაში გაემგზავრა და "გენკის" ხელმძღვანელებთან კონტრაქტის გაუქმება შეათანხმა. ამ მომენტისთვის ქართველი უკვე თავისუფალი აგენტის სტატუსით სარგებლობს და ამის მთავარი მიზეზი, მისი "მარსელში" დაბრუნებაა.

როგორც ჩანს, ტრანსფერის ჩაშლაზე საუბარი ჯერ ნაადრევია და ყველაფერი ეს, შეგვიძლია ოქრიაშვილისა და ფრანგული კლუბის მიერ დადგმულ სპექტაკლად მოვნათლოდ, რამეთუ, როგორც წყაროში წერენ, სატრანსფერო ბაზრის ბოლო საათებში თორნიკე და "მარსელი" კონტრაქტს გააფორმებენ. ერთი სიტყვით, 1.5 მილიონ ევროდ შეფასებულ ჩვენებურს, ფრანგები ხელში უფასოდ ჩაიგდებენ.

აგრეთვე იხილეთ:
ქართველების უცნაური ვარჯიში [ვიდეო]
ჯანო ანანიძემ "ანჟის" გაუტანა [ვიდეო]
10 ყველაზე წარმატებული მწვრთნელი ჩემპიონთა ლიგის ისტორიაში
  • ავტორი: ლევან კვინიკაძე        31-08-2016, 23:20

    მსგავსი სიახლეები

    სპორტული არხები
    საინტერესო
    ბლოგი
    © 2015/16 WebSport.Ge საიტზე განთავსებული მასალების (სტატიები, დიზაინის ელემენტები) გამოყენება აკრძალულია!
    დამზადებულია STUDIO-GB მიერ