image

ჩვენი ჯგუფი: მონტენეგრომ სლოვაკეთს მოუგო

2017 წლის ევროპის ჩემპიონატის საკვალიფიკაციო ეტაპის F ჯგუფის მეორე მატჩში მონტენეგრომ სლოვაკეთს უმასპინძლა და 32 ქულით სძლია. ეს ორივე გუნდი ჩვენი ნაკრების კონკურენტები არიან, თუმცა, როგორც სავარაუდო იყო, ექსიუგოსლავიელები გაცილებით ანგარიშგასაწევ ძალას წარმოადგენენ.

მეტოქის სისუსტიდან გამომდინარე, მასპინძელთა თავკაცმა განაცხადში მყოფ თორმეტივევე კალათბურთელს საკმაო დრო დაუთმო, მათგან ხუთმა კი 11 და მეტი ქულა ჩააგდო.

მონტენეგროელთაგან საუკეთესო 28 წლის მსუბუქი ფორვარდი ვლადიმირ დაშიჩი იყო, რომელმაც ოც წუთში 17 ქულა, 9 მოხსნა, 2 პასი და 1 ჩაჭრა მიითვალა. ორმაგ დუბლს (13 ქულა, 10 მოხსნა) უწია, 24 წლის მძიმე ფორვარდმა მარკო ტოდოროვიჩიმ.

მასპინძლებმა საწყისი 3 მეოთხედი დამაჯერებლად ჩაატარეს, დასკვნითი ათწუთეული კი 20:21 დათმეს. მათ სტუმრებს მოხსნებში 45:28 აჯობეს, პასებში კი – 28:14. სლოვაკთა რიგებში საუკეთესონი მიხალ ბატკა (14 ქულა, 8 მოხსნა) და ბორის ბოიანოვსკი (12 ქულა) იყვნენ.

3 სექტემბერს მონტენეგრო ალბანეთში ითამაშებს, სლოვაკეთი კი საქართველოს უმასპინძლებს.

© gbf.ge

აგრეთვე იხილეთ:
ალბანეთი დიდი სხვაობით დავამარცხეთ
ლეჟავა: "დღევანდელი მატჩი მოსამზადებელ შეხვედრას გავდა"
ცინცაძისა და სანიკიძის ტრადიციული "ალე ოპი" ჰოლანდიასთან მატჩში [ვიდეო]
  • ავტორი: ლუკა ბერაია        1-09-2016, 14:25

    მსგავსი სიახლეები

    სპორტული არხები
    საინტერესო
    ბლოგი
    © 2015/16 WebSport.Ge საიტზე განთავსებული მასალების (სტატიები, დიზაინის ელემენტები) გამოყენება აკრძალულია!
    დამზადებულია STUDIO-GB მიერ