image

ზაქრაძე: "მთავარი კონკურენტი მონტენეგროა"

საქართველოს ეროვნული ნაკრების 20 წლის უკანახაზელმა ლუკა ზაქრაძემ ექსკლუზიურად "WebSport.Ge"-სთვის მიცემულ ინტერვიუში, სლოვაკეთთან გასამართ შეხვედრაზე ისაუბრა და სხვა საინტერესო კითხვებსაც უპასუხა.

- ალბანეთთან დამაჯერებელი გამარჯვების შემდეგ ბრატისლავაში ფავორიტის რანგით გაემგზავრეთ. პირადად თქვენ რა შედეგს ელით ხვალინდელი მატჩისგან?
- "ვფიქრობ, რომ სლოვაკეთი ალბანეთზე გაცილებით ძლიერი და მებრძოლი გუნდია. წინ რთული შეხვედრა გველის, მაგრამ პარკეტზე მხოლოდ მოსაგებად გავალთ".

- თქვენს ჯგუფზე რას გვეტყვით, რომელ ნაკრებს თვლით მთავარ კონკურენტად?
- "ყველაზე დიდ წინააღმდეგობას მონტენეგროს ეროვნული ნაკრებისგან ველი. ვფიქრობ, ისინი არაინ ჩვენი მთავარი მეტოქეები".

- როგორც ახალგაზრდა კალათბურთელს, ალბანეთთან მატჩში ილიას ზორუსმა გარკვეული დრო მოგცათ სათამაშოდ. თქვენი საკუთარი თამაშით თუ ხართ კმაყოფილი?
- "სიმართლე რომ ვთქვა, ჩემი თავით კმაყოფილი არ ვარ. უფრო დამაჯერებლად თამაშიც შემეძლო, მაგრამ ყველაფერი გამოცდილებაზეა დამოკიდებული. ეროვნულ ნაკრებში ყველაზე ახალგაზრდა მე ვარ, შესაბამისად ამ დონის ჩემპიონატების გამოცდილება ნაკლებად მაქვს".

- როგორც გავიგეთ, ბურთის ტარებასთან ერთად სამ ქულიანების სროლაც შესანიშნავად გამოგდით. სლოვაკეთთან მატჩში აპირებთ ამის დამტკიცებას?
- "წელს პირველი წელია, რაც ნაკრებში ვთამაშობ. ძირითადად ორიენტირება გუნდის დალაგებაზე მაქვს, მაგრამ თუ შესაბამისი შანსი მომეცა, აუცილებლად გამოვიყენებ".

- ნაკრებს აკლია მანუჩარ მარკოიშვილი, რომელიც იდეალურად ისვრის სამქულიანებს. როგორ ფიქრობთ მისი არ ყოფნა დაეტყობა გუნდს შესარჩევი ეტაპებიც ციკლში?
- "მანუჩარის არ ყოფნა ჩვენთვის უდიდესი დანაკლისია. იმედი მაქვს მის გარეშეც მოვახერხებთ წარმატებების მიღწევას".

- როგორც ვიცით ამ ეტაპზე უგუნდოდ ხართ. ალბანეთთან შეხვედრის შემდეგ ინტერესი ხომ არ გამოუჩენიათ ევროპულ კლუბებს?
- "ევროპული გუნდების დაინტერესება არ არის, თუმცა არსებობს ქართული კლუბების შემოთავაზებები. ძალიან მალე გავაკეთებ არჩევანს და სუპერლიგაში ვიასპარეზებ".

- როგორც ვიცით ჯგუფში მეოთხე ადგილოსანი კლუბი ვარდება და მისი შედეგებიც ქრება. პირადად თქვენ, რომელ ნაკრებს მიიჩნევთ აუტსაიდერად?
- "ვფიქრობ, რომ აუტსაიდერი ალბანეთის ეროვნული ნაკრებია".

- თქვენი აზრით, რომელ გუნდს აქვს ევროპის ჩემპიონობის ყველაზე დიდი შანსი?
- "ჩემი აზრით, სერბეთსა და ესპანეთის ნაკრებებს შორის გაირკვევა საუკეთესო".

- და ბოლოს, რომელია თქვენთვის მისაბაძი კალათბურთელი, რომელიც ინდივიდუალურად ყველაზე მეტად მოგწონთ?
- "ჩემთვის მისაბაძი ადამიანი, როგორც მოთამაშე, ასევე პიროვნება, გახლავთ კობი ბრაიენტი".

აგრეთვე იხილეთ:
დიქსონი სლოვაკეთთან ითამაშებს!
ეროვნული ნაკრები სლოვაკეთში ჩავიდა
ჩვენი ჯგუფი: მონტენეგრომ სლოვაკეთს მოუგო
  • ავტორი: ლუკა ბერაია        2-09-2016, 14:31

    მსგავსი სიახლეები

    სპორტული არხები
    საინტერესო
    ბლოგი
    © 2015/16 WebSport.Ge საიტზე განთავსებული მასალების (სტატიები, დიზაინის ელემენტები) გამოყენება აკრძალულია!
    დამზადებულია STUDIO-GB მიერ