image

მანუჩარ კვირკველიამ სამინისტროში 23-წლამდელთა ევროპის ჩემპიონატი შეაფასა

1 აპრილს, სამინისტროში, ჭიდაობის ეროვნული ფედერაციის პრეზიდენტმა მანუჩარ კვირკველიამ პრესკონფერენცია გამართა, რომელსაც სპორტისა და ახალგაზრდობის საქმეთა მინისტრი ლევან ყიფიანი და მინისტრის პირველი მოადგილე აკაკი ლოდია დაესწრნენ.

ფედერაციის პრეზიდენტმა 23-წლამდელთა ევროპის ჩემპიონატი შეაფასა და სამომავლო გეგმებზე ისაუბრა. მანუჩარ კვირკველიამ და ლევან ყიფიანმა ჟურნალისტების შეკითხვებსაც უპასუხეს. ევროპირველობაზე, რომელიც 23-28 მარტს პოლონეთის ქალაქ ვალბრზიხში ჩატარდა ქართველმა ფალავნებმა ჯამში 3 ოქროს, 2 ვერცხლის და 4 ბრინჯაოს მედალი მოიპოვეს.

შალვა ბედინეიშვილის გაწვრთნილმა თავისუფალი სტილით მოჭიდავეთა ნაკრებმა 2 ოქროს, 2 ვერცხლის და 1 ბრინჯაოს მედალი მოიპოვა - ევროპის ჩემპიონები გახდნენ ზურაბ ერბოწონაშვილი (74) და ომარ გუსოშვილი (97), ვერცხლის მედალი მოიპოვეს ზურაბ იაკობიშვილმა (65) და გიორგი მეშვილდიშვილმა (125), ბრინჯაოს კი ბექა ბუჯიაშვილი (57) დაეუფლა. საერთო გუნდურ ჩათვლაში საქართველოს ნაკრებმა 57 ქულით მეორე ადგილი დაიკავა.

ბერძნულ-რომაული სტილით მოჭიდავეთა ნაკრებმა 1 ოქრო და 3 ბრინჯაო დაისაკუთრა. ჩემპიონი ლაშა გობაძე (80 კგ) გახდა, ბრინჯაოს მედლები კი ხვიჩა ჭითავამ (59 კგ), გიორგი დავითაიამ (66 კგ) და კუკური კირცხალიამ (98 კგ) მოიპოვეს.

ფოტო - თამუნა ყულუმბეგაშვილი
სპორტისა და ახაგაზრდობის საქმეთა სამინისტრო
  • ავტორი: შაკო შიუკაშვილი        1-04-2015, 12:53

    მსგავსი სიახლეები

    სპორტული არხები
    საინტერესო
    ბლოგი
    © 2015/16 WebSport.Ge საიტზე განთავსებული მასალების (სტატიები, დიზაინის ელემენტები) გამოყენება აკრძალულია!
    დამზადებულია STUDIO-GB მიერ